nagbabalik…
November 11, 2009
Sabi ko nung nakaraan, last post ko na rito sa xdalisayx.i.ph. Sabi ko, di na ako magbablog. Ngunit, ewan ko ba, heto, nagbabalik ako. Ehehehe…
Tinangka kong gumawa ng bagong blog (dito rin sa i.ph), dahil di ko mapigilan at di ko makalimutan ang pagsusulat at ang pagnanasang maibahagi ang mga ideya ko sa iba. At, tunay nga, nakalikha ako ng bagong sayt, at nakapagpost na ako ng ilang mga entri roon. Datapwat, aking napagtanto, mas gusto ko pa rin ang xdalisayx. Malayo na ang narating ko rito, marami na akong naisulat dito. Ito ay ipagpapatuloy ko. Kakalimutan ko na ang bagong sayt na nagawa ko (umm, wala namang kwenta yun, mga ekek lang ang nadoon. hehe)…
Nawalan ako ng loob noon sa pagsulat, sa pagbablog, dala marahil ng pressure. Lubha akong naligalig nitong bandang katapusan ng nakaraang semestre — dahil sa mga eksamen at papel, at sa paglalakad ng evaluation at substitution papers para ma-clear ko ang mga sabjek ko bago ang graduation. Subalit ngayon, ayos na ako, kalmado na ulit ang isip at dibdib ko. Wala na akong gaanong alalahanin sa acads — at magandang balita pa, sure na gagradweyt na ako basta maipasa ko lang ang mga sabjek na kinukuha ko ngayong aking huling sem. Sa wakas!… Di man ako nagdarasal at di nagsisimba, pero, thank you, Lord! (lagot ako nito sa mga relihiyosong tao…)
Ngayon, nagbabalik na ang inyong lingkod, si xdalisayx. Paumanhin sa aking nagawang pagpapaalam… Umm, ek-ek lang yon…
Previous Comments
Hehehe.
Ipagpapatuloy ko ito. Magpopost lang ako nang magpopost, hangga’t kaya. Basta’t kung ano ang maisipan, ilalagay ko lamang dito.
Kailanman ay hindi ko kalilimutan ang kauna-unahang prinsesa sa aking bahay kubo kung saan nakapaloob ang aking kayumangging damdamin.
Matyaga akong maghihintay sa iyong pagbabalik, kung napapansin mo..malinis ang iyong pamamaalam dahil ayaw kong tuldukan ang mga pangarap na binuo natin dito sa blogosperyo.
Ikaw at ako aking prinsesa.
Pakiss nga. labet
Posted by J.Kulisap at November 11, 2009, 3:28 pm