emilio jacinto…
November 12, 2009
Naalala ko. Kwento na naman ng prof ko. Astig yung prof ko na yun. Ang talino. At, multi-awarded author. Napakalaking karangalan na naging guro ko siya, kahit sa PI lamang. Kakaiba ang takbo ng kanyang isip at kakaiba ang personalidad. Talagang hahangaan mo…
Aniya, si Emilio Jacinto, yung secretary ni Boni, at Utak ng Katips, 19 years old lamang daw nang maging isang pangunahing lider na ng KKK. Sa edad na ito rin daw niya naisulat ang Kartilya ng Katipunan, yung parang Sampung Utos ng kanilang samahan… Biruin mo, 19 years old lang siya, pinuno na siya, at siya pa ang pinagkatiwalaang akdain ang pinakamataas na batas ng Kataas-taasang Kagalang-galangang Katipunan ng mga Anak ng Bayan, ang pinakamalawakan at pambansang kilusang nagpatalsik sa kolonyalismong Kastila. Basahin mo yung Kartilya, tunay na matataas at kamangha-mangha ang mga diwain o kaisipang isinasaad…
Kaya naman… hinamon kami ng aming prof. Kung si Emilio Jacinto, 19 lang, napakalaki na ng nagawa para sa bayan, bayani na, e kami raw, ano na ang nagawa namin? Inuyam niya kami. Naaalaala ko ang mga winika niyang ito sa klase:
“Ilang taon ka na, iho?” (Tanong niya sa isa kong kaklase.)
“20 po,” ang tugon.
“E, ikaw? (Tinuro ang isa pang estudyante.)
“23, Sir.” (Tumawa siya, tawang nang-aasar.)
“Mga wala pala kayong sinabi ke Emilio Jacinto… Siya ang paborito kong bayani… 19 years old lang, o… Ang dami na niyang nagawa… Ang talino niya, bilib ako… Kayo kasi, ‘wag kayong matakot. Wag kayong manliit… Sa edad niyong ‘yan, may magagawa na kayo. Pwede na kayong gumawa ng desisyon niyo kung anong mangyayari sa buhay niyo… Sa edad niyong ‘yan, pwede na, may magagawa na kayo para sa bayan…”
Aawww… Touched talaga ako sa prof kong iyon. Di lamang matalino, magaling, talagang makabayan pa. Ang swerte ko, nagpaprerog lang ako noon, buti nakapasok ako sa klase niya at naging prof ko siya…
Emilio Jacinto… diez y nueve años ka lamang noon, lider ka na ng Katipunan, kalihim pa ng Supremo… Bayani ka na sa bata mong gulang na iyan. ‘Lam mo, magsing-edad lamang tayo… Ngunit, heto, nakakahiya ako. Duwag at walang magawa…
Bad trip…
Sumakabilang-buhay nga pala si Pingkian (codename ni pareng Jacinto sa Katips) sa edad na 23 lamang. Tsk, ang bata talaga. Pero, gaya nga ng sabi nila… Higit na mabuti ang mamatay nang maaga dahil sa isang dakilang sanhi, kaysa, matagal ngang mabuhay, ngunit wala namang magawang makabuluhan para sa kapwa at sa bayan/banwa/ili…
Previous Comments
Salamat at itinuloy niyo pa rin ang pagkokomento, kahit nabura. Nagustuhan ko ang inyong mga sinabi, sayang nga lamang at nadelete ang una ninyong itinayp. Panghimagsikan daw, o, hehe. Salamat sa patuloy ninyong pagbabasa.
Posted by xdalisayx at November 13, 2009, 8:47 pmhi!
Posted by harlene at December 4, 2009, 10:44 amHi din! 
hallooooooooo
Posted by shella at December 12, 2009, 11:22 amHalloooo dinnnn!
*People are always telling you what to do, but what’s right for them may not be right for you.
Posted by Replica Christian Louboutin shoes at December 27, 2010, 9:20 amHey there, I was looking through some blogs and I saw your site from yahoo. I read a couple of your posts and think they were nicely written. Thanks, I will try to stop by your webpage soon.
Posted by Coach Outlet Online at November 26, 2011, 5:23 amIt’s good to see this information in your post!
Posted by Coach Factory Outlet at December 13, 2011, 1:05 pmThis is a very good idea! Just want to say thank you for the information, you have to share Coach Outlet Store Online
. Just continue to write such a position. I will be your faithful reader. Thank you again.
Aray..nadelete yong komento ko Dalisay..ang heavy pa naman, pwede ng pang himagsikan.
Kung ano na lang matatandaan ko ngayon.
Ginampanan ni Emilio ang kanyang tungkulin sa bansang Pilipinas sa napakamurang edad, si Emilio ngayon ay naglalaro ng psp, gigimik sa malate, pupunta sa boracay, ibabagsak ang aralin, iinom ng alak, magyoyosi, mambabae..hep hep..hindi lahat, marahil dati mayron na ding mga pabaya sa kanilang tungkulin pero mas kita ang kaibahan ngayon.
Huwag na huwag mong hamakin ang kakayahan mo Dalisay, ikaw na mulat sa pangyayari sa bansang ito ay isa ng pagpukaw sa natutulog na kamalayan ng kapwa mo kabataan.
Bakit hindi mo hikayating maging kapakipakinabang na kabataan ang iyong mga kapwa. Walang masama na magpakakorni para sa kaniyang bansa, ang pagtawanan mo ang isang bagay na nakakadumi o nakapanliliit sa pagkatao ng isang Pilipino ay sakit na ng buong bansa. Mas masakit na marinig sa ibang lahi yan, paano pa kaya sa bibig ng mismong lipi nito.
Posted by J.Kulisap at November 12, 2009, 3:25 pm