kung bakit malaki ang suot kong damit…
July 27, 2009
Tingin sa akin ng mga tao
Ako’y isang tibo
Dahil malalaki ang T-shirts ko
Maluluwag ang pantalon ko,
Pagkat di ako seksi manamit
Gaya ng idinidikta
Sa mga kababaihan
Ng media at pamilihan.
Tinanong ako ni Ina,
“Tomboy ka ba, anak?”
At ang tugon ko:
“Babae ako, Ina,
Isinilang mo akong babae
Pareho tayo
May suso at puke
Ganito lang talaga ako manamit
Pagkat ako’y nahihiya…
Alam mo kasi, Ina,
Laging nakatitig sa akin si Ama,
Di ko maintindihan,
Ang mga mata niya
Parating nakatingin
Sa aking katawan;
Nailang ako
Kaya’t malalaking damit
Ang isinusuot ko.
Pero kahit na ganito
Balot na balot na ako
Hindi siya tumigil
Sa mga titig niya sa akin…
- Para sa mga biktima ng reyp…
Ang karaniwang tingin kasi natin sa mga biktima ng panggagahasa ay — malandi kasi ‘yan, nang-aakit, nanunukso, kaya hayan tuloy, nareyp… Ngunit, hello?!! Ano ang masasabi ninyo sa mga biktimang batang paslit, lolang uugud-ugod, buntis, misis, apo o anak na dalagang walang kamalay-malay, at mayroon pa ngang sanggol???!!! At ako?! Ilang na ilang ako kapag nararamdaman o nakikita kong may nakatitig sa aking lalake, kahit pa nga ang aking ama! Malalaki na ang t-shirt ko at di ako nagsusuot ng maikling shorts. Laging katapat o lampas sa tuhod ang mga salawal ko… Tsk, pero kasi, babae ako… Basta’t babae ka, anuman ang edad mo, nasaan ka man o anuman ang katayuan mo sa buhay, o kahit kamag-anak ka pa ng reypist - wala kang takas at ligtas sa pagnanasa at libog ng kung sinong hayok sa laman na lalake.
[A]ng gahasa ang kaisa-isang krimen na ang biktima (ang babae) ang kailangang magpatunay ng kanyang kawalang-sala. Hindi siya ang humalay, humarot sa lalaki; hindi siya nakabihis na parang hahalayin o nanghahalay. At sa una’t huling pagkakataon, hindi siya babaeng mahalay ang reputasyon… - Anatomiya ng Gahasa, ni Rolando Tolentino
Previous Comments
May himig kayo ng pag-uyam sa inyong mga tinuran.
Ngunit reyp ho ang usapin dito. Hehe.
Hindi masama ang sex. Ang sex ay isang gawaing banal. Ito’y ipinagkaloob ng Diyos. Isa itong napakagandang regalong bigay Niya sa tao.
Ngunit ginagawa kasi ng taong karimarimarim, e, dahil sa kanyang mga kabuktutan at kahalayan. Tsk.
Posted by xdalisayx at July 29, 2009, 7:26 amGanun ba ang nabasa mo sa aking tinuran?
Ipagpaumanhin dala ito ng bilis ng akyat-dugo sa aking kalamnan.
Paano na kung ang tao ay piniling mag-isa, paano na makakatikim ng seks na katanggap tanggap?
Posted by J.Kulisap at July 29, 2009, 12:55 pmPiniling mag-isa?
Aba. Mahirap yan. Tayong mga tao ay likas kasing mga sexual na nilalang. Kahit pari o madre ka pa, imposible ang hindi ka ma-”arouse.” Pagkat walang taong hindi na-aarouse, hindi nagnanasa, walang sexual needs & desires.
So kapag nag-iisa ka - ang sagot lang diyan ay pigilan ang sarili. Aba, kasalanan mo yan, kalbaryo, bakit kasi pinili mong mag-isa. Panagutan mo. Kayanin mo. Tiisin. Magtimpi. Pag nag-iisa ka, di ka makikipagseks, dahil wala ka namang partner (iyong partner na siyang dapat mong maka-seks) - ito ay kung matino kang tao.
Pero, kasi, nagiging idealist na naman ako. Bata pa ako, di ko pa alam ang tunay na takbo ng mundo…
Isang malaking tawa, bata ka pa nga. Oo at napakainam ng pakiramdam ng pakikipagniig lalo na kung ang iyong kasuyo ay yaong iyong minamahal, sinasamba.
Subalit..mahirap maging ideyalista lalo na pagdating sa pakikipagtalik.
Kanya kanyang pananaw Dalisay.
Irespeto natin yan.
Posted by J.Kulisap at July 30, 2009, 6:42 pmnamangha ako sa unang pagkakataon na ipinunyal ang salitang ‘puke’ sa isang obra. hindi ko siguro mapapatawad ang sinumang lalaki na sa kasakiman ay ipinantawid ang kanilang libog sa isang inosente babae.
ninakawan. pinatay. inalisan ng isang bagay na magpapabago sa buhay ng isang babae.
may punto ang kulisap.
may punto ang dalisay.
natuwa ako hanggang sa dulo ng mga puna.
hitik na hitik ang inyong wikang tagalog ni kulisap. nakakamamangha at sa i.ph mismo ninyo isinatitik ang inyong magnum opus.
mabuhay kayo.
marahil nararapat na palitan ko ang aking ngalan-sayber. mula sa ax ako na si.. palakol.
Posted by Palakol at July 31, 2009, 10:12 amPalakol, maari mong sugatan ang aming obra, ngunit kung ito ay iyong gagawin, mas huhusay pa ang aming takdang gawain dahil mararamdaman namin ang kirot na makapagpapagising pa sa natutulog na himaymay ng aming ugat at laman.
Sapagkat ang puke at titi ay katawatawa kapag ating pinag-uusapan, hindi tayo nagseseryoso kapag ito ang laman ng ating isip..marahil tinatakpan lamang nito ang reyalidad..mas nananaig ang libog kaysa sa linaw ng kaisipan
Posted by J.Kulisap at July 31, 2009, 5:29 pmHehe. Ganyan naman kapag wika natin - ating minamaliit. Sa Ingles, pag sinabing vagina o penis, walang malisya iyon. Sa atin, naku, napakabastos ng puke at titi. Ano ang mali rito? Ang mga ito naman talaga ang tawag natin sa kanila, ang mga salita natin, ang termino natin sa kanila.
Pag Ingles - intelektwal, scientific, advance, modern, mataas na uri ng wika ‘yan. Ngunit kapag mga wika natin - tsk, ang baba ng tingin natin. Hinahamak natin, di ginagamit, at di pinauunlad. Hay…
Ako, di naman ako malalim managalog. Duguan nga ang ilong ko diyan kay G. Kulisap e. At mukhang dadadag ka pa, G. Palakol. Maganda iyan, gamitin natin, itanghal ang ating sariling wika.
Posted by xdalisayx at July 31, 2009, 6:02 pmHey there, I was looking through some blogs and I saw your site from yahoo. I read a couple of your posts and think they were nicely written. Thanks, I will try to stop by your webpage soon.
Posted by Coach Outlet Online at November 26, 2011, 5:06 amIt’s good to see this information in your post!
Posted by Coach Factory Outlet at December 13, 2011, 12:46 pmThis is a very good idea! Just want to say thank you for the information, you have to share Coach Outlet Store Online
. Just continue to write such a position. I will be your faithful reader. Thank you again.
That they will not be the most effective people. Not surprisingly, brand-new home theater system,
Posted by Louis Vuitton at March 6, 2012, 2:34 pmbuy the best container with the price tag, or even obtain the price cut code.
Posted by Louis Vuitton Outlet at March 6, 2012, 3:46 pmMonster dr dre headphones now have become more and more popular. It has excellent wearing comfort and a good sense of listening. Many users have no longer used in-ear phone to listen to music
Posted by Cheap Beats By Dre at March 24, 2012, 2:32 pm
Sapagkat ang tawag nang laman ay talaga namang nakahuhumaling, mabubulag ka sa pagsakop ng kung anumang animo nag-uutos nito.
Sana hindi na pinauso ang titi at puke.
Wala ng kasarian, pwede ba yon?
Kung magbuntisan na lang sa pamamagitan ng pagdadaupang palad o dili kaya ay pagdidikit ng taynga sa taynga.
Posted by J.Kulisap at July 28, 2009, 6:07 pm